கணணியை வைரஸிலிருந்து காப்பாற்ற

கணணியைப் பயன்படுத்தும் அனைவருக்கும் ஒரே பயம் வைரஸ் தான். வைரஸ் எங்கிருந்து வருகிறது மற்றும் எப்படி வருகிறது என்றே தெரியாது.சிலரின் கணணிகளில் வைரஸ் தாக்கிய விடயமே தெரியாமல் பயன்படுத்திக் கொண்டிருப்பர். வைரஸ்களின் நோக்கமே உங்கள் கணணியை செயல் இழக்க வைத்து பாழ்படுத்துவதே. வைரஸ்கள் வந்த பின்னர் கணணியை திரும்ப நல்ல நிலைக்கு மீட்பதை விட முன்கூட்டியே எச்சரிக்கையாக இருப்பது தான் நலம். கீழ் வரும் மூன்று மென்பொருள்களின் உதவியோடு கணணியை மிக்க பாதுகாப்போடு வைத்திருக்க முடியும். 1 . Avast Antivirus: முதலில் கணணியில் ஆண்டிவைரஸ் மென்பொருள் கண்டிப்பாய் இருந்தாக வேண்டும். எவருமே இலவசம் என்றால் தான் விரும்புவார்கள். இலவசமாக தரப்படுவதில் Avast ன் பயனர் இடைமுகமும் பாதுகாப்பும் சிறப்பாக உள்ளது. இப்போது இதன் புதிய பதிப்பாக 6 வெளிவந்துள்ளது. இதன் வைரஸ்களை கையாளும் விதம் மற்ற இலவச மென்பொருள்களான Avira, AVG போன்றவற்றை விட நன்றாக உள்ளது. பென் டிரைவை போட்டவுடன் வைரஸ் இருப்பின் பிடித்து அழித்து விடுகிறது. எந்த ட்ரைவுக்கு சென்றாலும் தானாக ஒரு முறை சோதித்து கண்டுபிடிக்கிறது. இதில் Mail shield, web shield, Network shield இன்ன பிற பாதுகாப்பு வசதிகளும் உள்ளன.இதனை பயன்படுத்துவதும் எளிமையான விடயம் தான். ஒரு முறை ஓன்லைனில் பதிவு செய்து விட்டால் ஒரு வருடத்திற்கு இலவசமாக பயன்படுத்தலாம். ஒரு வருடம் முடிந்த பின்னர் திரும்ப இலவசமாக பதிவு செய்திடலாம். தரவிறக்க சுட்டி: http://www.avast.com/free-antivirus-download பதிவு செய்ய: http://www.avast.com/registration-free-antivirus.php கட்டண மென்பொருள்களில் கண்டிப்பாக Kaspersky தான். இதன் செயல்பாடும் சிறப்பாக உள்ளது. 2 . USB Disk Sequrity: வைரஸ்கள் பெரும்பாலும் நுழைவதே பென் டிரைவ், மெமரி கார்டுகள் போன்றவற்றால் தான். இவற்றை கட்டுப்படுத்தினாலே ஓரளவுக்கு கணணியும் பாதுகாப்பாக இருக்கும். பென் ட்ரைவைப் போட்டவுடன் தானாக ஸ்கேன் செய்து பெரும்பாலான வைரஸ்களை இந்த மென்பொருளின் மூலம் நீக்கிவிடலாம். autorun.inf, Newfolder.exe போன்ற பல வைரஸ்களை இதன் மூலம் எளிதாக நீக்கி விடலாம். இதனால் உங்கள் கணணிக்கு வைரஸ்கள் பரவும் வாய்ப்பு குறைகிறது. தரவிறக்க சுட்டி: http://www.4shared.com/file/2vIMS1st/USB-Disk-Security53020-latest-.html 3. WinPatrol: இந்த மென்பொருள் உங்கள் கணணியில் உள்ள இயல்பான அமைப்புகளை சோதித்து சேமித்துக் கொள்கிறது. பின்னர் கணணியில் எதாவது வைரஸ்கள் அல்லது இணையத்திலிருந்து வருகிற மால்வேர்கள் எதாவது மாற்றங்களை உங்களுக்கு தெரியாமல் ஏற்படுத்துகிற போது தடுத்து நிறுத்தி உங்களுக்கு தெரியப்படுத்துகிறது. பொதுவாக வைரஸ்கள், மால்வேர்கள் கணணியின் Startup, Registry, Scheduled Tasks, Services போன்ற பகுதிகளில் நுழைந்து தங்களது இயக்கத்தை பரப்புகின்றன. இந்த பகுதிகளில் எந்த மாற்றங்களை செய்தாலும் அதனை உடனடியாக உங்களிடம் தெரிவிக்கின்றன. மேலும் இதன் மூலம் தற்போது இயங்கும் மென்பொருள்கள், சமீபத்திய கோப்புகள், Cookies, services, Scheduled tasks, startup, Hidden files போன்ற விடயங்களை தெளிவாக அறிய முடியும். இது சிறப்பாக செயல்படும் இலவச மென்பொருளாகும். இதன் மூலம் உங்கள் கணணியை 100 சதவீதம் பாதுகாப்பாக வைக்க முடியும். தரவிறக்க சுட்டி: http://www.winpatrol.com/download.html